«مش أنا» لتامر حسنى يحقق 618 ألف جنيه
حقق فيلم “مش انا” للنجم تامر حسنى أمس إيرادات بلغت 618 ألف جنيه ليصل مجموع إيراداته 25 مليون و27 ألف جنيه وتشهد إيرادات الفيلم صعودًا وهبوطًا عقب طرح أكثر من فيلم بدور العرض خلال الأيام الماضية حيث يدخل تامر حسنى بفيلمه الجديد “مش انا” فى منافسة شرسة مع كلا من كريم عبد العزيز بفيلم “البعض لا يذهب للمأذون مرتين” وأحمد عز بفيلم “العارف” وتشهد دور العرض خلال هذه الأيام حربًا بين النجوم لحصد أعلى إيراد يومى فى شباك التذاكر.
قصة فيلم تامر حسني
يقدم تامر حسني قصة مختلفة تمامًا، من خلال إصابة بطل العمل الذي يقدمه تامر حسني في شخصية "حسن" بحالة نفسية خطيرة، وتربطه علاقة قوية جدًا بوالدته المريضة وهي الفنانة سوسن بدر، وتشهد أحداث الفيلم ارتباطًا كبيرًا بينهما، وحرصًا ملحوظًا منه على الجلوس معها أطول وقت ممكن، ومراعاتها والعناية بها فهى محور حياته، وبعد ذلك يفقدها فيتعرض لمشكلات بسبب شخصيته المهتزة، ويدخل في دويتو كوميدي مميز مع الفنان الكبير ماجد الكدوانى.
أبطال فيلم مش انا لتامر حسني
فيلم مش أنا من بطولة عدد كبير من النجوم ومنهم الفنانة حلا شيحة، الفنانة سوسن بدر، حجاج عبد العظيم، عصام السقا، محمد الجوهري، فايز المالكي وعدد من نجوم وضيوف الشرف منهم الفنان محمد عبد الرحمن توتا، الفنان إياد نصار، ومن تأليف تامر حسني وإخراج سارة وفيق في أولى التجارب الإنتاجية لحسام حسني شقيق تامر حسني بمشاركة سينرجي فيلمز للمنتج تامر مرسي ويعرض بعدد كبير من دور العرض السينمائي.
وفاجأت الفنانة حلا شيحة الجمهور بالتبرأ من فيلمها الأخير “مش أنا” الذي قدمته بمشاركة الفنان تامر حسني ويعرض حاليًا، وهاجمت تامر لنزول كليب جديد ظهرت فيه بصورة رومانسية، ودعته للتوبة.
ونشرت حلا، عبر حسابها الرسمي على موقع الصور إنستجرام، منشورًا قالت فيه: "أنا اتفاجئت جدًا بنزول كليب يجمع فيه مشاهد متفرقة من الفيلم، خصوصا بعد آخر بوست نزلته ووضحت فيه أنا إيه.. واتفاجئت أكتر خصوصًا بعد وعد تامر حسني ليا وتأكيده أنه حیحترم رغبتي وبعض الطلبات اللي طلبتها منه بكل احترام وود الصيف اللي فات وأکدلي إنه حيحترم رغبتي".
وتابعت حلا شيحة، عبر منشورها: "إحنا يمكن نجحنا بمقاييس الدنيا بس صدقوني بمقایيس ربنا إحنا لم ولن ننجح أنا عارفة ومتأكدة إن زملائي جواهم خير بس للأسف فتنة الشهرة والنجاح مش بتخلينا نشوف ونقيس الأمور صح بتكلم من قلبي الكليب ده ميرضيش ربنا وأنا عيطت لأني شفت نفسي في المشاهد دي .. دي كانت زلة نتيجة ظروف مريت بيها وكلنا بنغلط ولازم نغلط علشان إحنا بشر بس المصيبة إننا بنغفل وبننسی".
وأضافت “شيحة”: "أنا مش حتكسف من حد.. أنا تبت من المشاهد دي وهي وهي لا تصح وأنا غلطت وبصلح وأهم حاجة إن ربنا يرضى عني لأن في الآخر ده اللي حينفعنا مش الشهرة ولا النجاح لا هو مش نجاح أصلًا علشان النجاح الحقيقي حاجة تانية خالص إحنا أغلبنا ناسينها إلا القليلين منا الفن لو بيخلينا نبعد عن منهج ربنا ومنبقاش قدوة لولادنا يبقي باطل وميبقاش فن".
واختتمت: "إحنا كلنا عندنا امتحان في الدنيا دي وحابة أفكرك بالفيديو ده یا تامر اللي قولت فيه أنا مش بتمني أموت وأنا مطرب أنا دايما خايف کده.. كلام أكيد قولته في لحظة صدق جواك وجوانا كلنا من شوفه تاني يمكن يفكرك أن جواك أكيد في صراع وأنا وكلنا كلنا بنغلط بس المهم في الآخر نتدارك الغلط و نصلح .{إلا من تاب وآمن عمل عملًا صالحًا أولئك يبدل الله سيئاتهم حسن وكان الله غفورًا رحيمًا.. الله على كلام الله وجماله يا سلام لو أصواتنا ومواهبنا كلها نستعملها في الخير عشان يبقى فن بجد".
كانت حلا شيحة أعلنت عن تبرؤها من الفيلم الجديد ولم تحضر العروض الخاصة للعمل ولم تشارك في الحملة الترويجية له خلال الفترة الماضية، كما قامت بإلغاء متابعتها للفنان تامر حسني عبر حسابها الرسمي على موقع التواصل الاجتماعي إنستجرام.
