«لم يذهب».. جنازة سمير غانم تضع تامر حبيب في مرمى نيران رواد مواقع التواصل

تصدرت السيناريست تامر حبيب تريند تويتر، بعد تصريحاته حول ذهابه لحفل الزفاف في الجونة وأنه لم يذهب جنازة الفنان الراحل سمير غانم، ما أثار غصبا وهجوما واسعا على طريقة كلامه. 
وغردت رانيا أحمد:"‏وييجي واحد زي تامر حبيب يشتم الناس عشان مشهد يسرا ياشيخ إتلموا بقي..اللي عنده دم احسن ماللي عنده عزبه هو ده موت وحُرمته هو في أشد من كده؟لو مضطره كانت راحت وقعدت زي باقي الضيوف مش لازم الشو اللي عملته والضحكه اللي ولا كأنها كانت في عزا الصبح".

وعلقت أخرى:" ‏صدق الل قال إن السكوت من دهب والله !!". وقال تامر زغلول:" ‏فرق شاسع جدا بين اللى عملتة هالة صدقى قمة الاحترام و الاخلاق و بين ما فعلة تامر حبيب اللى هو ( أومليت اصلا ). 

وقال شادي ياسين:"‏اللي بيعمله تامر حبيب ده عملية تشتيت للدفاع عن يسرا و ان الناس تخف عليها في الانتقاد شوية و تقعد تشتم فيه هو  من الاخر بيشيل شوية من الهجوم عليها". 

وقال آخر:"‏‎#تامر_حبيب عن رقص ‎#يسرا اوصي كل اللي بيحبوني لو عندهم مناسبه حلوه يوم موتي يفرحوا -جنازة تامر حبيب". 

وقالت رجوى:" أنا مش ضد اللي حضروا الفرح وشايفه انه عادي وفكرة انهم محترموش البنات ووجعهم اقل حاجة هتترد هو ان سواء دنيا او ايمي او غيرهم كنت بشوفهم بيعزوا وبالليل في افراح برضه ؛ بس اللي كاتبه تامر حبيب هنا منتهي الجحوشيه وقلة الذوق واسلوب غير لائق واستفزني شخصيا وبقيت عاوزه الطشه بالقلم". 

قال دكتور أشرف:" ‏السيناريست تامر حبيب:أنا فعلاً حزين وموجوع على وفاة الأستاذ سمير غانم، وللأسف ماقدرتش أروح الجنازة والدفنة لإني في الجونة وللحق الفرح كان جميل وطاقته كانت حلوة، فرقصت وغنيت مع عمرو دياب واتصورت مع أصحابي، حد عايز حاجة ؟ لآ ياعم تامر محدش عايزحاجة .. الناس دية مبتتكسفش ؟بتقاوح!! ". 

وهاجم الدكتور محمد الباز خلال برنامجه "آخر النهار" على فضائية "النهار": "أنا بتكلم على فنانين كبار نحترمهم ونقدرهم، وده حق الجمهور عليكوا انكوا تحترموا عقله ومشاعره، مش حق سمير غانم بس"، مضيقا:" انت بتتحشر ليه يا تامر محدش كلمك احنا مش بنتكلم عليك احنا بنتكلم على نجوم كبار".

وتابع: "احنا على أيامنا وفي بلدنا، لما كان حد بيموت عندنا في الشارع، كنا بنطفي التليفزيون لمدة 3 أيام، ومش بنسمع أغاني ولا أي حاجة".