شيرين عن سمير غانم: «مكنتش أول فنانة أقف قدامه في المتزوجون»
تصدرت الفنانة القديرة شيرين تريند البحث علي جوجل بسبب حديثها عن الفنان الراحل سمير غانم بعد رحيله، حيث شاركت الراحل أهم بطولة مسرحية في "المتزوجون" الذي حققت نجاحًا جماهيريًا كبيرًا أثناء عرضها علي خشبة المسرح أو التلفزيون.
قالت شيرين، في مداخلة تلفزيونية عن سمير غانم: "كان إنسانا بمعنى الكلمة، وإذا أجريت دراسة حول أعماله الفنية ومسرحياته سنجد أنه لا يهين فيها أحدا أو يضربه، وكان يحب عمله جدا لدرجة أنه يتفنن في كيفية تلبيس الشخصية التي سيؤديها وكل الأشياء التي كان يرتديها من تصميمه الخاص ويشترك في تنفيذها بيقولولي الفاميلي نيم بتاعي دلوقتي (شيرين صرصار) أنا مضطرة أحب الصرصار عشان سبب شهرتي لكن مكنش حد ورا الإفيه".
عن مسرحية المتزوجون قالت شيرين: "من حسن حظي اشتغلت معاه في المسرحية دي وأنا مكنتش أول حد يشتغل المسرحية كانت الفنانة هويدا قبلي ومعملش معايا ولا بروفة وفضل من ربنا إن أول مسرحية أعملها كاملة في حياتي تظل وتبقى 42 سنة اتصورت 1979 ومن فضل ربنا عليا أنها بتتعرض في العيد وأجيال كتير شافتها وبتشوفها".
وشاركت شيرين سمورة آخر أعماله المسرحية التي قدمها قبل رحيله بفترة قصيرة قائلة: "لما كنت بعمل آخر مسرحية "لما الزهر يلعب" وصورها الأستاذ سمير يوم البروفة الرئيسية جت دنيا وإيمي يحضروا المسرحية ويشوفوا وطلعلي أحمد الإبياري وقالي: "بليز يا شيرين النهاردة متوقف هنعرض ولا لا، قولتله إزاي؟ قالي دنيا وإيمي جايين ولو باباهم مش زي ما هما عارفينه على المسرح مش هيوافقوا إننا نعمل المسرحية فقولتله باباهم أحسن من كل مرة ودلال عبدالعزيز قالتلي البنات قالولي إن شيرين مع بابا حاجة تانية".
