العسيلي يستعيد ذكريات موقف جمعه مع تامر حسني في «الابتدائية»
استعاد الفنان محمود العسيلي، ذكريات موقف جمعه مع الفنان تامر حسني، خلال فترة دراستهما بالمدرسة الابتدائية.
وقال في تغريدة عبر صفحته الشخصية بموقع "إنستجرام": "هحكي قصة محدش يعرفها خالص، حتى تامر مكانش مجمع إن الشخص دا أنا لحد ما فكرته ومات من الضحك كنا في مدرسة واحدة أنا وتامر، وأنا كنت في سنة خامسة ابتدائي وتامر كان التلميذ اللي مسئول عن عروض حفلات التخرج وكان هيغني ويعمل عرض استعراضي كبير وجابوله ٤ أصوات عشان يختار منهم حد يغني معاه بس كنا بنغني إنجليزي واخترني أنا عشان أشارك في العرض وكنت فرحان أوي".
وأضاف: "الفكرة من الموقف إن تامر نفس الشخص ونفس القلب اللي قابلته من أيام المدرسة لحد دلوقتي وعايز اقوله اني انا برضه فرحان نفس الفرحة ومتشرف باختيارك ليا لمشاركتك الأغنية العسل دي وإحنا كبار ومحققين احلامنا بالمناسبة انت بجد مخرج جامد يا تيمو، يارب الأغنية تعجبكم إختراع".
وأضاف في تغريدة أخرى عبر "تويتر: "صاحبي وأخويا الكبير النضيف الجدع الطيب.. لسه زي ما هو ما هو من أيام المدرسة.. شرف ليا ان أنا أكون جزء من تاريخك الكبير ونعمل الأغنية دي واحنا كبار ومحققين أحلامنا زي ما كنا بنتخيل واحنا صغيرين.. اختراع نازلة بكرة إن شاء الله".
