سيد علي: في ناس متعرفش لحد دلوقتي يعني إيه كمامة (فيديو)

انفعل الإعلامي سيد علي على الهواء بسبب "الكمامات"، قائلًا: "لو هتشوفوا الدكاترة قبل ما يموتوا، مش هتعملوا كده".

وأضاف سيد علي، خلال تقديمه برنامج "حضرة المواطن" المُذاع عبر فضائية "الحدث اليوم"، مساء اليوم: "أنا والله على المستوى الشخصي شايل الكمامة معايا في كل مكان، وتلاقي حتة عيل لازق فيك ومش لابس كمامة، تسأله ليه مش لابس كمامة يقولك يعني إيه؟!".

وتابع: "لما تكون عايز تلزق في حد أو واقف في طابور، البس الكمامة".

وأردف: "بلاش تحميني، احمي نفسك، الكمامة هي الوقاية الوحيدة لنا من هذا الفيروس القاتل".

وأعلنت وزارة الصحة والسكان، أمس السبت، خروج 977 متعافيًا من فيروس كورونا من المستشفيات، وذلك بعد تلقيهم الرعاية الطبية اللازمة وتمام شفائهم وفقًا لإرشادات منظمة الصحة العالمية، ليرتفع إجمالي المتعافين من الفيروس إلى 58835 حالة حتى الأمس.