«افتكرت هبة رجل الغراب».. ناهد السباعى توجه رسالة لـ«زلابيا» (صورة)
وجهت الفنانة ناهد السباعي، رسالة إلى هدير محمد، الشهيرة بـ"زلابيا" التي تعرضت لواقعة التنمر بعد انتشار صور خطوبتها على مواقع التواصل الاجتماعي، ولم يعجب خطيبها الموقف فقرّر فسخ الخطوبة وطلب منها الشبكة.
ونشرت ناهد السباعي، صورًا لها من مسلسل "هبة رجل الغراب" و"زلابيا" عبر حسابها على موقع تداول الصور والفيديوهات "إنستجرام"، معلقة: "افتكرت هبة قوي لما شوفت زلابية الحلوة.. بصي يا قمر الراجل الي ميحبكيش من جواكي قبل براكي يبقي ميستهلش قلبك الأبيض ده".
وأردفت: "هبة معملتش عمليات تجميل، هبة شالت الحسنة وحطت ميك أب حلو زيك بالظبط، كل بنات العالم لو حطوا ميك أب مش حلو هيغير شكلهم، وأنتِ أصلًا حلوة ويامه ممثلين اتعرضوا للتنمر على شكلهم زيك وأكتر وأنا واحدة منهم. ثقي في ربنا أنه شايلك الأحسن، لو علمتم الغيب لاخترتم الواقع، وفرحك اللي جاي أنا هتعزم عليه ونعملك أحلى ليلة لأحلى بنوتة".
