شقيق أرملة "شهيد الشهامة" يناشد الدولة بتخصيص معاش لأولاده

ناشد حمادة عزوز، شقيق أرملة الشاب أحمد فراج، الملقب بشهيد الشهامة، الدولة بتخصيص معاش لأرملته وأولاده الثلاثة، لافتًا إلى أن الشهيد كان "أرزقي".

وكشف عزوز خلال مداخلة هاتفية في برنامج "رأي عام"، مع الإعلامي عمرو عبدالحميد، على شاشة "TeN"، تفاصيل وفاة شهيد الشهامة بعدما أنقذ طفلتين من الموت، وصدمه القطار في العياط.

وقال "عزوز"، إن الشاب المتوفي كان يجلس معه في محطة القطار منذ الساعة العاشرة والنصف حيث كانا سيذهبان لمنطقة "الرقة"، فقطع الشاب تذكرتين وجلس منتظرًا القطار، ثم جاء تليفون لعزوز يقول له إن محمد زوج شقيقته سيذهب معهم، مضيفًا: "قولت أنا لأحمد فراج خليك إنت بقى روح، قالي لا هاجي معاكم، قولتله خلاص طب روح أقطع تذكرة".

وتابع: "كان فيه قطار بضاعة جاي من بعيد، وفيه بنتين بيصوتوا، راح عشان ينقذهم، شال بنت منهم رماها بره، والبت التانية زقها بين الشريطين بتوع القطار، أنا قاعد ومش عارف إن أحمد في الحوار ده، بس لاقي ناس كتير نايمة على الأرض وبتبص تحت القطار وهو معدي، الناس قالت البنت اللي بين الشريطين القطار معداش عليها وهي كويسة، بس الراجل مات".

وواصل: "هو ملحقش يجري من قدام القطار، أحمد كان شغال صنايعي كوتش عربيات، يعني شغال اليوم بيومه، عنده 3 بنات ريهام عندها 5 سنين، ومكة 3 سنين، ورفيده 6 سنين، قاعد في بيت بالإيجار، إحنا نقف جنبه والدولة كمان لازم تقف جنبه".