هل المعتدى على والديه له توبة؟.. الشيخ خالد الجندى يجيب

قال الشيخ خالد الجندي، عضو المجلس الأعلى للشئون الإسلامية، إن من يتطاول على والدته بالضرب أو الاعتداء أيًا كان ليس له توبة مهما فعل إلا بعد أن تغفر له والدته.

وقال عضو المجلس الأعلى للشئون الإسلامية، خلال حلقة برنامج "لعلهم يفقهون"، المذاع عبر فضائية "DMC"، اليوم الخميس: "فى ست ابنها ضربها كلمتنى وقالت لى إنه ضربها وبتسألنى إنى أدعى له ربنا يهديه، دى هل هناك علاقة ممكن تنشأ بين ولد زي ده وأمه؟".

وتابع: "أنا استغربت إيه اللي جوا قلبك يعني إنت جواك إيه اللي ماشي في عروقك إيه ده دم عشان ترفع إيدك على أمك؟، أنا نفسي أفهم إنت إنهي بني آدم، النقطة الثانية قمة الحنان والرحمة من هذه الأم برضه هتلاقي ناس يقول لك معلش ممكن يكون متوتر نفسيًا أو عانى نفسيًا والكلام ده أنا ماليش دعوة بالكلام".