«خاطب بقالى أسبوعين وبشك فى خطيبتى».. القط يرد (فيديو)

وجه متصل سؤالًا للدكتور نبيل القط استشاري الطب النفسي، قائلًا: "أنا خاطب بقالي أسبوعين وللأسف عندي مشكلة إني بغير بشكل كبير جدًا على الإنسانة اللي معايا، والغيرة بتقلب أحيانًا إلى شك".

ورد القط خلال لقائه ببرنامج "الستات" المُذاع على فضائية النهار مساء الأحد، على المتصل قائلًا: "هي دي حاجة جديدة بالنسبة لك ولا قديمة؟"، ليرد المتصل: "لا دي حاجة جديدة".

وأضاف المتصل: "دي ثاني خطوبة ليا، والمرة الأولى مكنتش بشك وده اللي أنا مستغربه".

ورد القط قائلًا: "جايز خطيبتك بتعمل حاجات تخليك تغير"، ليرد: لا هي مبتعملش حاجة، أنا بغير مثلًا أما يكون تليفونها مقفول وهي في الشغل".

وتابع المتصل: "أنا بحبها أكتر من خطيبتي الأولى، وإحنا الاتنين في نفس المستوى الاجتماعي تقريبًا".

نبيل القط: حاول أن تشعر بالأمان في علاقتك مع خطيبتك

ورد الدكتور نبيل القط على المتصل قائلًا: "ممكن يكون أنت تشعر بعدم الأمان في العلاقة دي، وإنك مش متأكد تمامًا من الروابط القوية بينك وبينها".

وتابع: "ممكن يكون ده هو اللي عامل المشكلة بالنسبالك، والحل إنك تفتح معاها الكلام وتشوف مدى تمسكها بيك علشان ده يديلك إحساس بالأمان والأمور تستقر، طالما إن ده مش جزء أساسي من شخصيتك".

ليرد المتصل: "أنا اتكلمت معاها في الموضوع وهي طمنتني، بس برجع تاني أغير أكتر، وأنا إحساسي إني بحبها أكتر ما هي بتحبني".