عمرو سعد: «السعدى» قدم صورة مبهرة عن مصر خلال موكب المومياوات

أشاد النجم عمرو سعد، بالمجهود الذي بذله المنتج محمد السعدي، خلال الفترة الماضية، من أجل إظهار مصر بالصورة اللائقة وتصدير صورة للعالم بأن مصر دولة عظيمة وقادرة على تحدي الصعاب.

ونشر عمرو سعد، عبر صفحته الرسمية بموقع التواصل الاجتماعي «فيسبوك»، صورة تجمعه بالمنتج محمد السعدي، وعلق عليها قائلًا: «وأنا حاليًا في موسكو عندي تصوير، واحد من الروس اللي شغالين معايا قالي إن أولاده وأصدقاءهم سافروا مصر لما شافوا جزء من احتفالية نقل المومياوات الملكية، وقعد يحكي قد إيه حصل ليهم سحر وانبهار بمصر، لقيت نفسي طلعت الموبايل وفتحت ملف صور خاص عندي عن مصر فيه ٩٠ صورة جميلة».

وأضاف: «لقيت الراجل مذهول وقال مصر بلد كبير وعظيم، أنا بقى جه على بالي الراجل الرائع المخلص محمد السعدي، واللي بيقدم أجمل وأبهى صورة عن مصر، واللي قدر يحقق اللي ملايين من الشباب بيحلموا بيه وهو إن الناس برة مصر تعرف مصر الحلوة وتحس بقيمة وعظمة الناس والأرض والمكان علشان تاخد المكانة اللي تستحقها».

وتابع: «وأنا شوفت محمد السعدي قد إيه بيشتغل هو وكل التيم بتاعة بجهد رهيب وشياكة، علشان مصر مش صحراء وهرم وجمل وعشوائيات، مصر حضارة وتاريخ وشياكة وكرم وتنوع وشمس ومناخ وناس طيبين بيعشقوا الغريب، مصر مكان ومكانة وكرامة، تراث مافيش زيه في العالم وحاضر بيتطور بدراع الناس الجدعان الوطنيين والمخلصين.. شكرًا محمد السعدي».

أحدث أعمال عمرو سعد الفنية

وفي سياق مختلف انتهى النجم عمر سعد  من تصوير أحدث أعماله التليفزيونية الذي يحمل اسم "الجسر" والذي يخوض بطولته رفقة النجمة نيللى كريم، ومكون من 6 حلقات.

المسلسل من تأليف وإخراج بيتر ميمى، ويشارك فى بطولته كل من محمد علاء وخالد كمال وسارة الشامى ، جمايكا، عصام عمر، وتدور أحداث العمل فى إطار الفانتازيا، حول ما وصل إليه البشر بعد انتهاء الحياة على كوكب الأرض.