«الست بتعوز تنكد على الراجل».. تصريحات مصطفى فهمي تتصدر «ترند جوجل»

تصدر الفنان مصطفى فهمي "ترند" محرك البحث العالمي "جوجل"، بعد ظهوره مساء أمس، وفي هذا التقرير تستعرض "الدستور" أبرز تصريحاته التي كانت على النحو التالي.

 - "بقيت من أشهر العزاب في الوطن العربي"

قال "أنا وحسين اخويا بقينا أشهر عزاب في الوطن العربي حاليًا، وحظنا وحش في الستات وبندفع التمن دايما".

- "بحب قعدة البحر"

قال مصطفى فهمي عن سر شبابه: "انا بلعب رياضة كتير ومبحبش المشاكل، وده يدي مية في المية عمر بديل، وبحب السفر وبحب أقعد على البحر كتير".

- أنا كائن نهاري

وأضاف الفنان "انا كائن نهاري بحب النهار اكتر من الليل، وأحب أروح ألعب رياضة، واقعد في الشمس على البحر، الليل بالنسبالي قليل جدا بسهر فيه، لكن على خفيف ومش دايما على حسب المناسبات".

- قرار الانفصال

أكد مصطفى فهمي أن مشكلته الأخيرة مع طليقته الاعلامية فاتن موسى جعلته يقرر في نفسه داخليا أن لايد من وقوع الطلاق وقال: "اخر مشكلة بيننا قولت بيني وبين نفسي لازم الطلاق يتم العيشة كده بقت مستحيلة".

- "قبل ماتسافر كانت عارفة بالطلاق"

وقام الفنان بالرد على اتهامه بأنه غدر بفاتن موسى لعدم قيامه بإخبارها بوقوع الطلاق قال: "لأ قولت لها وقبل ما تسافر كانت عارفة اني هطلقها".

- أنا مش غدار الغدر اللي بيحصل دلوقتي"

قال  مصطفى فهمى ردا على اتهامه ايضا الغدر، “انا مش غدار الغدر هو اللي بيحصلي أنا دلوقتي، التشهير والسب والقذف اللي بيحصل على "السوشيال ميديا"، فيه أسباب كتير الكوباية اتملت مش من الهوا".

- الحياة بعد الجواز بتكون غريبة

وقال عن التحول الذى يحدث بعد الانفصال، "بيكون في حاجات كتير بعد الجواز زى الهدايا وحاجات أكبر، الحب في الجواز بيتحول لعشرة، الحب خلص خلاص، ولما تدخل في الحياة وبين أربع حيطان بتظهر حاجات غريبة، والخروج الدموى بيكون سببه أن الشخص وصل لآخر نقطة فيه:.

- " أخوها قال لنا انزلوا اتطلقوا"

وعن كواليس طلاقه لفاتن موسي،  قال "القشة الأخيرة كانت لما حصل بيني وبينها مشكلة قبل سفرها للبنان لحضور خطوبة أختها، وقتها كان فيه ضرب في لبنان وقررت عدم السفر، وكان أخوها قاعد في بيتي قبلها بأسبوع، ولما صرحت بعدم رغبتي في السفر وقعت الخناقة، وكانت كبيرة لدرجة أن أخاها قال كده مينفعش انزلوا اتطلقوا بقى، قالت انا مش هتطلق أنا أطلق وانا اللي اخد قرار الطلاق".

- "لازم نضحك قدام الناس"

 وتابع الفنان في تصريحاته "لما بنكون قدام الناس لازم نضحك ومش معناه انك في بيتك سعيد، بتروح البيت بيحصل الخناق، واخر سنتين كانت كده، الكوباية بتتملي لحد ما بتيجي القشة الأخيرة بتوصل لمرحلة انك مش قادر تكمل".

- "المرأة صعب تفهمها"

هاجم مصطفى فهمي المراة في بعض تصريحاته خلال الحلقة قائلا: " مشكلة المرأة بتتمثل في صعوبة أن يفهمها الرجل، لأنها متغيرة جدا".

- "الست بتعوز تنكد على الراجل"

وقال "فيه ست بتبقى عايزة تعكنن عليك كراجل ودي مش حالات نادرة دول كتير اوي كده، تلاقيها بتقول يا داهية ليكون مبسوط لو شافت الراجل داخل بيته مبسوط الست لو عازت تريحك هتريحك".

- "فاتن فهمتنى مكر الستات"

وقال عن أزمته مع طليقته: "الشيء الوحيد المفيد ان أزمته الأخيرة مع فاتن خلتني افهم حيل المرأة وافهم مكرها".

- "الست بتتلكك للخناق"

وقال: "مجرد مابتبصم على الورق مع المأذون الست بتحس خلاص انك بقيت ملكها، فتبدأ تعكنن عليك وتتلكك عشان تتخانق معاك، اللي هو انت مبسوط وبتضحك ليه".

- "طلقت فاتن وهي في لبنان عشان تكون وسط أهلها"

وقال عن طلاقه: "أنا قررت أن يكون الطلاق وفاتن في لبنان لان ملهاش حد في مصر، لما حصل كنت عارف عواقب الطلاق الغيابي، لكن رغبة مني أنها تكون في وسط بيتها في وسط أهلها، هنا مين هيحتويها وهيحصل صويت، لكن الطلاق مكنش مفاجأة إذا كان اخوها قال قبل السفر بليلة روحوا اتطلقوا".

- "كل متعلقاتها موجودة"

أضاف "مكتب المحاماة الخاص بي نزل بيان بعد الطلاق، وقلنا فيه إن كل متعلقاتك موجودة والمؤخر بتاعك موجود مقلناش الرقم، وعربيتك اللي جايبهالك هدية موجودة، من فضلك لما تيجي القاهرة أو مندوبك بلغينا في المكتب".

- "أنا جد لاحفاده عايشين في سويسرا"

قال مصطفى فهمي عن أبنائه ان لديه ولد وبنت هم عمر ودينا من زوجته الايطالية الذي تزوجها لمدة 21 عاما، وقال: ”انا ابني عمر عايش في سويسرا عنده 35 سنة، وجابلي طفلين توأم وانا دلوقتي جد، وبنتي دينا عندها سنتر للمتوحدين هي مش دكتورة بس درست علم النفس للتوحد وعندها 30 سنة".

- "السوشيال ميديا كارثة"

وقال مصطفى فهمي، "السوشيال ميديا دي كارثة وانا معنديش انستجرام ولا فيس ولا اي حاجة عندي بس واتس اب بس انا بشوف ان السوشيال ميديا مش لطيفة خالص للفنان اللي هو انت كده هتبقى قاعد في حياتي انا ليا حياتي الخاصة".

- "أنا وحسين علاقتنا بقت كويسة"

قال عن علاقته بأخيه الفنان حسين فهمي،"علاقتي بحسين بقت كويسة جدا الفترة دي عشان بقينا عزاب، بنعيد الذكريات وبنخرج والموضوع فيه انبساط حياة العزوبية طلعت مريحة اوي".