آدم وهدان: «إحساسي بالأطفال مرضى السكر خلانى أعيط بجد»
لاقت حكاية "سكر مر" إشادات من مستخدمي السوشيال على مواقع التواصل الاجتماعي، وحظيت بتفاعل كبير من الجمهور، وتصدرت طوال فترة عرضها محركات البحث الإلكتروني.
آدم وهدان: كنت بعيط في كل مشهد
أعرب الطفل آدم وهدان، عن سعادتها لنجاح دوره في الحكاية الأخيرة من "ورا كل باب"، متابعًا: "اتاثرت بالشخصية، وكنت في الوقت اللي بعيط فيه زعلان بعيط بجد، لأني روحت سألت ماما: الأطفال مرضى السكر بيحسوا بإيه؟، ولما حكتلي زعلت، وحبيت أوصل إحساسهم للناس صح".
وتابع “وهدان” في تصريخات خاصة لـ"الدستور: "قعدت مع المخرج محمد عبد السلام، اللي كان بيطلبه مني عملته وفي بعض المواقف كنت اقوله ينفع اعيط هنا أواحضن بابا وهو اتبسط بيّا قوي، وإني بحاول أعمل شغل حلو".
وعن رد فعل الناس، قال: "اتخضيت وفرحت إن الناس صدقتني، انا بتابغ رد الفعل على السوشيال ميديا وكنت مبسوط ومش مصدق، ومكنتش متوقع رد الفعل بصراحة خالص".
وأضاف: "اتعلمت من الحكاية كتير وإني اتعامل إزاي من صحابي وزمايلي المصابين بمرض السكر، وإننا نبعد عن التنمر عشان بيضايقهم وبيخلي خالتهم الصحية تتدهور أكتر، والحمد لله على نجاح الحكاية".
حكاية سكر مر
وتناولت الحكاية كيفية التعامل مع الظروف ومعاناة الأمهات اللاتي يعاني أبنائهن من مرض ما، ومواجهة الضغط النفسي عليهن وكيفية تخطيهن للمواقف الصعبة، حدوتة "سكر مر" هي العاشرة والأخيرة من الموسم الثانى لمسلسل "ورا كل باب"، ويشارك في بطولتها فريال يوسف، ومراد مكرم ، وإيهاب فهمي، ورانيا ملاح، أحمد حلاوة، الطفل آدهم وهدان وتأليف أحمد عبد الفتاح وإخراج محمد عبد السلام.
