«متجوز وعنده عيال».. القصة الكاملة لـ«إسلام برجر» الذى أثار الجدل على السوشيال ميديا
على غرار كلمة «كلهم مصطفى أبو حجر» من فيلم حب البنات، تداول رواد تويتر اسم «إسلام برجر»، الذي قِيل إنه خدع خطيبته لمدة 9 سنوات، ولم تظهر حقيقته إلا بعد قراءة الفاتحة بيوم واحد.
القصة الكاملة لتريند إسلام برجر
وادعت فتاة تدعى «نور»، أن خطيبها متزوج ولديه طفل، وذلك عقب مرور 9 سنوات من معرفتها به، وكتبت في تدوينة عبر صفحتها الشخصية «فيس بوك»: «إحساس وحش أوي، إن بعد قراءة فاتحتي بيوم، اكتشف إنه متجوز ومخلف، والمفروض إني أعرف الشخص ده بقالي 9 سنين، موضوع مضحك أوي، حقيقي أنا مصدومة صدمة عمري».
وقالت: «مش مستوعبة إن الناس بتعرف تكدب بالشكل ده، مش مستوعبة إني بعد كل السنين دي طلعت عايشة في كدبة، الحمد لله على كل شيء وكان من سنين يقول: أصل مش بفتح الفيسبوك خالص، طلع كل ده علشان متجوز، ومش عايز إني أكشفه، يلَّا الحمد لله على إنه كشفه على حقيقته، صدمة شديدة أوي، بس ربنا مش بيعمل حاجة وحشة».
يهمك أيضًا | من مصطفى أبو تورتة لـ إسلام برجر قصة خداع الشباب مع البنات
وتفاعل عدد كبير من رواد مواقع التواصل الاجتماعى مع تدوينة «نور»، وعلقت رضوى: «حصلت كتير جدا الحركة دي.. جارتي عرفت بعد تنجيدها إنه متجوز»، وقالت أخرى: «ربنا يعوضها بجد وينتقم من الظالم».
