رسالة مؤثرة من نجلة الفنان الراحل ماهر سليم

نشرت الفنانة الشابة أسماء ماهر، ابنة الفنان الراحل ماهر سليم الذي رحل عن عالمنا قبل أيام، رسالة مؤثرة وجهتها لوالدها بعد أن غاب عنا  بعد صراع مع مرض سرطان الدم، ونشرت رسالة عبر حسابها الشخصي على فيس بوك.

وكتبت: "بابا أنا مش قادرة أكتب ولا أرد على حد ولا أعمل أي حاجة غير أني أسكت وللأسف مش مستوعبة إن كل ده حصل، عقلي رافض كل اللي حصل واللي بيحصل، بس النهاردة كان لازم أنزل البوست ده لأسباب كتير.. أولهم وأهمهم أحساسي، بابا كان حكالي موقف مؤثر جدًا جواه، لما والدة بابا توفت اللي هي جدتي، دفنها الصبح وخد العزاء ونزل وقف على خشبة المسرح كان عنده عرض كوميدي، وبالفعل نزل وعرض، أنا سألته ساعتها ازاي قدرت تكمل، قالي الحياة وقفت جوايا بس من برا الحياة مشيت".

وتابعت، “الموقف ده اتكرر النهارده وكأنه كان بيحكيلي اللي هيحصلي أو بيمهدلي، يوم وفاة بابا 9/2 كان عندي افتتاح عرض ”محل اللعب" على مسرح الهناجر بالأوبرا، أنا دفنت بابا الصبح واتصلت بالمخرج قولتله إني جاية العرض بالليل، وطبعًا بما إن الزمن غير الزمن، المخرج إيهاب ناصر رفض وأصر إني مجيش يومين، وبالفعل حصل".

واختتمت، "النهاردة أنا نزلت عرضت كوميدي، الإحساس قاتل وأنت بتعمل عكس اللي جواك، إحساس قريب من الانهيار الداخلي، أنا بس عايزة أقول أنا شبهك في كل حاجة مش بس شكلك، أنت دلوقتي في مكان يليق بنقاء روحك، بس وحشتيني أوي يا بابا ووجعتني أوي أوي".

انهار أبناء الفنان الراحل ماهر سليم، ودخلوا في نوبة بكاء شديدة أثناء تلقي العزاء في مسجد الخلفاء الراشدين بشارع البحر الأعظم.

ورحل عن عالمنا مساء أمس الأربعاء الماضي الفنان ماهر سليم بعد صراع مع المرض وتعرضه لأزمة صحية وتدهور حالته خلال الأيام الأخيرة، دخل على إثرها لأحد المستشفيات بدار السلام  وأقيمت  صلاة الجنازة عليه أمس عقب صلاة الظهر بمسجد السيدة نفيسة ويشيع الجثمان لمقابر الأسرة بالفيوم.