رواد «التواصل الاجتماعى» يدشنون حملة تطالب بإعدام قتلة «فتاة المعادي»

دشن رواد مواقع التواصل الإجتماعي، حملة تطالب بالقصاص من قتلة "مريم" فى القضية المعروفة إعلاميًا بـ "فتاة المعادي" خاصة بعد كشف التحريات عن محاولة سرقة وتحرش جنسي بالفتاة فضلًا عن محاولة خطفها ليتم قتلها على يد 3 من سائقي "ميكروباص" بـ شارع 9 فى المعادي.

ترصد "الدستور"،ما ورد على لسان رواد مواقع التواصل الإجتماعي، فعبرت سارة محمد عن غضبها من الجريمة البشعة وكتبت"ليه موتوها بالألم َو البشاعه دي ايه المكسب الي كسبوه !! موبايل مثلا وكم جنيه في شنطتها!! ليه كداا انا جسمي وجعني من الحدثه دي انا حطيت نفسي مكانها ليه الالم ده ويارتها روحها اتقبصت قبل كل السحل الي اتسحلته وقبل ما يدوس عليها".

وقال أحمد السيد"حسبي الله ونعم الوكيل الواحد بيخاف على بنات الناس وربي بقيت بخاف واختي رايحه الدروس بتاعتها انتو اقسم بالله حيوانات احنا شباب اهوه بس عارفين ربنا وعارفين ان كما تدين تدان ومن حق البنات تعمم الحكم علينا باللى بيشوفوه في الشوارع بس والله في لسه ناس عارفين ربناا ".

وكتبت سلمى مصطفى قائلة:" أنا متأكدة أن ده قدرها وده مصيرها بس اللي مش فاهمة لي ينتهي بالبشاعة دي أي جرم ارتكبته تلك الملاك... نفسي يتعدموا في نفس المكان اللي قتلوها فيها ويموتوا قدام كل الناس اللي محاولتش تساعدها حتى القصاص هو العدل الوحيد في القضية دي".