إصابة باسم كميل مذيع «إينرجي» بكورونا

كشف الإذاعي باسم كميل، مذيع برنامج "فول 92.1" المذاع على راديو "إينرجي" عن إيجابية المسحة الثانية الخاصة بفيروس كورونا التى أجراها أمس الأول، مؤكدا أنه محبط للغاية ولا يعرف كيف يتصرف.

كتب "باسم" عبر حسابه بموقع "إنستجرام": "كنت جاهز ومحضر نفسى إنى اقولكم أخبار حلوة لكن للأسف عملت المسحة أول إمبارح والنتيجة إنى لسه إيجابى".

وأضاف: "مع إن الدكاترة قالولي إنه عادى، وفى ناس ممكن تفضل إيجابية لمدة شهر بعد الـ14 يوم عزل، وإنه علميا وطبيا أنا ممكن خلاص أطلع من العزل اللى أنا فيه لكن طبعا أعمل كل إجراءات الوقاية وكده، لكن أنا خايف أعمل كده بما إنى عايش مع أهلى".

وتابع: "طبعا أنا بشكر ربنا مليون مرة إن حالتي كانت بسيطة وإننى متعبتش جامد، بس أنتم مش متخيلين قد إيه العزل فى أوضه ده سيئ إزاي، وقت فراغ كتير بيخليك تفكر في كل حاجة، فكرت في حاجات وحشة قوي لكن الحمد لله برضو فكرت فى كل حاجة أنا نفسي أرجع اعملها لما اطلع من العزل، وكل حاجة انا نفسى أبدأ اعملها لما اطلع من العزل".

واختتم حديثه قائلًا: "كان نفسي أكون إيجابي وأقولكم أخبار حلوة لكن أنا محبط، مش عارف راسي من رجلي، ومش عارف المفروض أعمل إيه دلوقتي ولا أتعامل إزاي. فا لو سمحتم، لو قريتوا البوست لحد الحته دى، ادعولي".