بعد قضاء أسبوعين فى مستشفى العجوزة.. طبيب قناوى: إحنا فى حرب (صور)
ما يقرب من أسبوعين قضاهما الدكتور مجدي شهدي طه، ابن مركز نجع حمادي شمالي محافظة قنا، وذلك ضمن الفريق الطبي للحجر الصحي بمستشفى العجوزة في القاهرة، ليكون من بين أفراد الجيش الأبيض الذين يحاربون فيروس كورونا المستجد.
وقال الطبيب في تصريحات لـ"الدستور" إن الأطباء في مستشفيات العزل يقاتلون عدوًا لا يعرفونه ولا يرونه، مضيفًا "بنقاتل عدو مش شايفه ولا عارف عنه حاجة، ولكن عشان أعرف الناس الفيروس مش قاتل، حيث إنه ٨٥ لـ ٩٠% بيكون جاى دون أعراض أو أعراض برد خفيفة الباقى بيصاب بالتهاب رئوى ودول بقا كبار السن واللي عندهم أمراض وخلافه".
ويضيف طه، أن خطورة فيروس كورونا تمكن في سرعة انتشاره إنما وفياته قليلة جدًا مقارنةً بأعداد المصابين وأعداد المواطنين، منوهًا إلى أنه لا توجد أدوية او علاج أو مصل أثبت فعاليته بنسبة 100 في المائة، إنما الواضح أن أدوية الفيتامينات والوقاية هي التى تحمي من المرض ومن خطورته.
واستكمل الطبيب حديثه، قائلًا"على المستوى الشخصى أنا مش شايف إن الحظر الكامل هو الحل، لكن الحل هو مسافات بين الناس وأى بنى آدم في الشارع لازم ينزل من بيته بماسك وتكون فى غرامة للمخالف، وكمان عندما تكون لابس ماسك لازم تتأكد أنه اللي قدامك أو اللي بتتعامل معاه هو كمان لابس ماسك لأنك لو لوحدك لابس كدا نسبة إصابتك ٧٠% لو الشخص ده مصاب".
وذكر الطبيب، أنه على المواطنين تناول أدوية تقوية المناعة حتى تحمي نفسك من الإصابة بالفيروس، والتى من أبرزها، مجموعة فيتامينات (vitamin C، zinc and D ) وذلك لتزويد وتقوية الجهاز المناعي في جسد الإنسان وقايةً من الفيروس اللعين.
ووجه طه، رسالة شكر وعرفان لكل فرد في الطاقم الطبى سواء أطباء وتمريض وفنيين وعمال، خصوصًا طاقم العزل، قائلًا "الناس دى فعلا ودون مبالغة فى حالة حرب، تخيل لو عرفت إنه واحد من جيرانك عنده كورونا أنت هتبقا محبوس ومرعوب، طيب تخيل حضرتك إن إحنا شغالين ومتعايشين وسط الحالات دى على مدار اليوم دون تقصير والحمد لله".
