بعد الهجوم الذي تعرضت له بسبب الشعراوي.. مدحت العدل يدافع عن أسما منير
دافع الكاتب والسيناريست مدحت العدل، عن أسما شريف منير، بعد الهجوم الذي تعرضت له بسبب ما وصفه البعض بتطاولها على الشيخ محمد متولي الشعراوي.
وقال في تغريدة عبر صفحته الشخصية بموقع "تويتر": "في موضوع بنت شريف منير...ما هذا الإرهاب الفكري لشابة قالت رأيها في شخص - مهما علا شأنه - ليس نبيا ولا معصوما.. تعلموا الاختلاف يا بشر.. الفاروق عمر بن الخطاب قال أمام المسلمين- وهو من هو- أصابت امرأة وأخطأ عمر.. استقيموا ولا تعبدوا أصناما تصنعونها".
أزمة أسما شريف منير، بدأت حين نشرت منشورًا عبر حسابها الشخصي على موقع التواصل الاجتماعي "فيسبوك"، قائلة: "صباح الخير عايزة أخد رأيكم في حاجة، بقالي كتير معنديش ثقة في أغلب الشيوخ، كتير منهم مدعين ويا متشددين أوي، يا خلطين الدين بالسياسة، نفسي أسمع حد معتدل محترم معلوماته مش مغلوطة، لسه في حد كده؟".
ونصحها أحد متابعيها، بمشاهدة فيديوهات دروس الشيخ الشعراوي للاستفادة من علمه، لترد عليه "أسما"، قائلة: "طول عمري كنت بسمعه زمان مع جدى الله يرحمه، ومكنتش فاهمة كل حاجة، لما كبرت شفت كام فيديو مصدقتش نفسي من كتر التطرف، كلام فعلًا معرفتش استوعبه، حقيقي استغربت، هدورلك على الفيديوهات اللي خلتني أبطل أشوفه".
ولكنها عادت وحذفت المنشور واعتذرت عنه قائلة: "بعتذر جدا عشان لم أستطع أن أحسن التعبير واختيار الكلمات الصحيحة وده يمكن عشان لسه بتعلم، وده عن عدم إدراك أنا لسه بتكلم على طبيعتي زي أول يوم قررت إني أظهر على السوشيال ميديا، بس دلوقتي لازم آخد بالي من كل كلمة بقولها عشان كل حاجة بتتحسب عليا وده جديد عليا، وكل ما في الموضوع إني كنت بدور على مرجع ديني ودروس دينية عشان أفهم بشكل مبسط".
واختتمت: "الشيخ الشعراوي أعمق من قدراتي لأني في حاجات فعلًا مفهمتهاش.. أنا مبتدئة بحاول أتعلم وأقرب أكتر من ربنا، وعموما أنا بعتذر فعلا عن زلة لساني وكلمتي.. وحقيقي أنا أكن للشيخ الشعراوي كل احترام وتقدير رحمه الله وجزاه كل خير.. وربنا عالم نيتي أيه".
