مع نفسى
بلم الباقى من حلمى
وارتب شنطتى لسفرى
واقف.. مستنى أى زميل
فايت أهله عشان بيمل
وسايب حبه جنب الضل
وجايب تذكرة one way
يعرفنى على نفسه
أجر الود بسيجارة
أشيل من عينيه نضارة
لابسها وغرضه يتخفىٰ
يقوم القطر والزفة
ويبقى شريك فى الرحلة
يظن بأنى طمعان فيه
أسيبله رصيدى فى الأحزان
فَيطمن
وأقوله على شوفته زمان
فَيطمن
وأبص بعينى على الشباك
يحس بدمعتى جوا
فيمسك إيدى ويطبطب
ساعتها أحس إنه شريك
رمانى عليه قدر ونصيب
فَـ أطمِن.
