محمد شاهين لـ حمو بيكا: «حسبى الله ونعم الوكيل.. هجيب حقى بالقانون»
هاجم المطرب محمد شاهين مطرب المهرجانات حمو بيكا عبر حسابه على فيسبوك بسبب قيامه بنشر مهرجان قام بتسجيله مع حمو بيكا منذ فترة وطرحه دون الرجوع له أو إعطائه حقوقه عن الأغنية وتصدر الثنائي التريند بعدما تبادلا الاتهامات عبر حساباتهما على فيسبوك.
ومنذ قليل كتبه محمد شاهين عبر صفحته علي فيس بوك "إمبارح المحترم بيقول عليا اللي اسمه محمد شاهين، أنا هقولك حاجة واحدة يا بني حسبي الله ونعم الوكيل في اللي فرضك علينا وعملك قيمة والله العظيم أنا روحت أغنى الأغنية دي بس قلة حيلة وفقدان أمل، بس لكن من جوايا وأنتم عارفين لا شكلى ولا فني اللى بحبه عشان أروح أعمل كدة دي كانت غلطة وزلة منى فقط لا غير وأنا ما يشرفنيش أغنى مع حد مش مقدرني ومش على دراية بأي شيء ولا يفقه في المزيكا أي حاجة كمان غلطة وأنا هجيب حقي كدة كدة واستنوا منى اللي دايما متعودين منى عليه".
وكانت بداية الأزمة عندما كتب محمد شاهين أمس علي صفحته علي فيس بوك "أنا مش بتاع لايف واتكلم بشكل رخيص على موضوع مهرجان مع حمو بيكا بس اللي عمله اسمه غدر وقلة قيمة من فترة كلمني حمو بيكا في التليفون روحت وسجلنا تراك وبعديها بفترة لقيت بوستر نازل عند واحد من الناس اللي بتصمم البوسترات دي من غير ما اعرف كلمت حمو بيكا قولتله ازاي قالي أنا هنزل في العيد 6 أغاني بكلمه في حقوق الأغنية أقل حاجة في حقي يرود يقولي (أنا هاخد الحقوق كلها) على أساس إن النجم المحترم هيعرفني بالناس على أساس إن النجم المحترم أنا شغال عنده رديت قولتله الكلام ده مش هينفع وقفلت معاه بعديها بعت لي مصمم البوستر وقالي إن الأغنية مش هتنزل اتفاجئ النهاردة بنزولها بدون علمي على أساس أي أنا هعرف أجيب حقي كويس بالقانون".
ورد عليه حمو بيكا عبر حسابه أيضاً علي فيسبوك حيث كتب: "بخصوص أغنيه قلبي شايل وجع بتاعتي أنا واللي اسمه محمد شاهين أنا مطلبتش إن الأغنية دي تترفع الأغنية دي اترفعت وأنا نايم لأني قبل ما أنام كنت عامل لايف إني مأجل شغلي بالكامل تضامناً مع إخواتنا في بلدنا التانيه فلسطين وإن الأغنية تم فتحها والشير بدون علم مني وإن الشركة المسؤولة عن السوشيال ميديا هي اللي فتحتها ملحوظة الأغنية دي أصلا.. مش من ضمن شغلي تحياتي لكل إخواتي وأهلي وجمهوري الكبير اللي بيحبني وبيسمعني في جميع محافظات مصر والوطن العربي".
